Урачыстая цырымонія ўзнагароджання пераможцаў літаратурнага конкурсу «Беларускі салавей»
У Нацыянальнай бібліятэцы Беларусі ў горадзе Мінску адбылася ўрачыстая цырымонія ўзнагароджання пераможцаў літаратурнага конкурсу «Беларускі салавей», прымеркаванага да 135-годдзя з дня нараджэння Змітрака Бядулі.
Сярод 800 удзельнікаў, вучаніца 11 класа ДУА «Каханавіцкая дзіцячы сад-сярэдняя школа Верхнядзвінскага раёна» Юлія Габрусёнак заняла трэцяе месца ў катэгорыі ад 16 да 22 гадоў і ўзнагароджана Дыпломам.
«Сэрца маці» – так называлася эсэ, што было даслана школьніцай на конкурс.
Разам з Юліяй творча і плённа працуе не адзін год настаўніца беларускай мовы Алена Іванаўна Бунто - у снежні 2021 года Юлія Габрусёнак атрымала Дыплом другой ступені на другім (раённым) этапе рэспубліканскай алімпіяды па беларускай мове і літаратуры.
Падчас сустрэчы сапраўдным падарункам для прысутных стала выступленне ганаровага госця мерапрыемства, сына Змітрака Бядулі Яфіма Плаўніка.
